Die belangrikheid van 'n
goeie eerste indruk, wat dikwels 'n blywende indruk is, is
uiters belangrik. Maggie skep muurskilderye of
taferele vir
ingangsportale of ontvangsareas by winkels, kantore, besighede
en selfs ontvangslokale by herberge en restaurante. Haar
buitengewone natuurtonele en unieke panoramas, wat 'n gewone
vertrek of area in iets heel besonders en pragtig-uniek omskep,
sal 'n saai vertrek of vervelige ingang 'n pragtige metamorfose laat
ondergaan en 'n heerlike aanknopingspunt vir geselskap wees.
As u 'n moeilike area by 'n vertrek het wat spesiale
dekor nodig het, oorweeg gerus dat Maggie vir u 'n spesiale
ontwerp maak wat daardie onbenutte deel sal opkikker. Hier kan
byvoorbeeld enige inspirerende beeld gebruik word soos 'n ridder
op sy perd, vinnige en moderne motors, 'n bergklimmer naby die
kruin of rustige tonele soos 'n seiljag op die pragtige oseaan.
Sommige van die muurversiering is nie net pragtig nie, maar
selfs leersaam as dit in klaskamers of gange in skoolgeboue
gebruik word. Maggie ken beslis haar A, B, C's en kan baie
toepaslike versierings vir sulke areas ontwerp en skep. Sy kan
ook die agtergrondpanele of dekorstelle verf vir skoolopvoerings.
Dalk benodig u 'n pragtige muurskildery of muurtoneel en bykomende versierings
vir 'n baba- of kinderkamer. Miskien iets moois
met teddiebeertjies, sagte speelgoed of feetjies en dwergies of
sommer net oulike klein ponies. Sulke ontwerpe is Maggie se
forté.
U kerk is pragtig gebou, maar u wil graag iets besonders vir die
voorportaal laat doen of dalk 'n groot venster-area mooi laat
versier. Dan kan u gerus vir Maggie skakel. Haar Christelike
geloofsoortuiging sal pragtig uiting vind in so 'n skepping vir
u kerk. Sy verf uiters keurige muurtonele en kan selfs groot
vensters met kleurvolle Bybeltonele vul in pragtige
tablo's.
Dalk soek u iets eksklusief vir 'n gastehuis of kompleks se
ingang, ontvangs-area of voorportaal. Die besondere natuurtonele
wat Maggie skep, sal 'n groot aanwins vir u projek of plek wees.
As u 'n argitek is wat iets heel uitsonderlik wil aanbied vir u
baie belangrike kliënte, sal u baie baat vind deur Maggie te vra
vir skeppings wat sy volgens die kleurskema en styl van u gebou-
of huisontwerp kan ontwerp en skilder. Hier is veral haar
natuurtonele in suites, asook haar stelle iets wat ernstig
oorweeg en met groot flair gebruik kan word. Haar
muurversierings en skilderye sal net daardie ekstra tikkie
afronding gee wat 'n pluspunt sal wees.
Vir die restourasie entoesias, wat ou wonings graag wil
opkikker, bly die muurskilderye iets wat nuwe kleur en weer
waarde gee.
Maggie skep ook mooi en toepaslike kommersiële versierings vir
boekwinkels, restaurante, eetlokale, kafees, en blommewinkels of
talle soortgelyke plekke. Sy kan die kuns op uithangborde of
vensterskilderye voorsien. Sukkel u om 'n gepaste versiering vir u
uitstalvenster of uithangbord of ander advertensiebord te kry?
Dalk iets vir 'n winkelvenster of 'n bepaalde uitstalruimte?
Stuur gerus 'n Navraag met u besonderhede en Maggie sal met
graagte kyk na u projek en voorstelle maak.
Kennisgewing: Maggie se werksprogram is op die oomblik
BAIE vol. Bestellings word tans dus nie aanvaar nie, maar
besoekers of belangstellendes kan Maggie met behulp van die
Navraagvorm kontak om te hoor of
sy nog projekte kan opneem en watter nuwe skilderye beskikbaar
is. |
